M+ no longer supports this web browser.
M+ 不再支持此網頁瀏覽器。
M+ 不再支持此网页浏览器。
悬浮城巿
旁述：
呢件作品嘅名稱係《懸浮城市》，係Adam Snow Frampton、Cyrus Penarroyo、Jonathan D. Solomon同汪嘉詠喺2020年創作嘅裝置作品，主要以銀色嘅鋁板同鋁管，仲有白色嘅3D立體打印膠製組件組裝而成，約成人及腰高，長360厘米，闊260厘米。
作品分為底板同高架道路兩部分。底板顯示香港島由上環到金鐘之間嘅平面地圖，上方架空展示一組組連接唔同建築物嘅行人路、扶手電梯、樓梯，同埋天橋，佢哋彼此相接，但剔除咗建築物嘅外形。
底板地圖由六塊正方形銀色鋁板組合而成，板面刻咗上環信德中心到金鐘太古廣場之間嘅道路、地區同地標名稱。喺道路各個對應嘅位置，都會豎起高高低低嘅銀色幼身鋁管，高度由86至115厘米不等。鋁管嘅末端都支撐住一組組3D打印嘅白色組件，呢啲組件呈現出不規則嘅道路形狀，邊線有直有曲，有粗有幼，恍如真實嘅行人道路網絡。道路四通八達，滿佈交匯點，以及連接私人、商業同公共空間嘅地方。
整件作品座地展示，觀眾可以俯視地圖同道路網絡，或者由側面觀察網絡嘅佈局。網絡向外延伸、上下交疊，貫穿唔同空間，就好似人體嘅循環系統中嘅動脈、靜脈同微絲血管，深入身體各處。
本网站使用「Cookies」为你提供最好的网站体验。
随时随地探索语音导赏资料库，收听策展人、创作人及受邀嘉宾的介绍，或了解相关作品或建筑在视觉上的特征。
Explore the archived audio guide content at any time and place. Listen to curators, makers, and guest speakers or learn about the key visual elements of different objects and architectural features.
